Katapangan na pinamalas
Mga sundalo ng Pilpinas
Hindi matatawarang kagitingan
Kahit buhay ang naging kabayaran.
Baril na naging sandigan
Gamit sa pagtugis sa kalaban
Hindi akalain na ito ang magiging kasangkapan
Sa nalalapit nilang kamatayan.
Sino ang may kasalanan
Ang kalaban o ang pamahalaan
Sa kawalan ng agarang aksyon
Paano na ang ating nasyon?
Ama’t kapatid sa kanilang mga tahanan
Sa mga pamilyang kanilang naiwan
Ano ang nangyari sa’yo sa Juan
Sa bayan mong sinilangan.
Walang komento:
Mag-post ng isang Komento